ICOMOS hefur sent 440 vatnsúðaslökkvitæki til Úkraínu þar sem þeim verður komið fyrir í timburkirkjum – sem nefnast tserkvas, en um 2500 slíkar kirkjur eru í Úrkraínu. Átta þeirra eru á heimsminjaskrá UNESCO og verður í forgangi að verja þær og einnig aðrar timburkirkjur sem taldar eru í mestri hættu vegna stríðsátakanna. Þess er vænst að með slökkvitækjunum megi vernda um 200 kirkjur. ICOMOS hefur unnið að því að koma slökkvitækjunum til Úkraínu í samstarfi við landsnefnd ICOMOS í Úkraínu og tvo sjóði sem vinna að verndun menningararfs; Foundation to Preserve Ukraine´s Sacral Art og World Monuments Fund. Tækin voru afhent björgunarmiðstöð menningarminja í Luiv þaðan sem þeim verður komið í kirkjurnar. Sjá nánar hér:
